Mga pananim na bawang sa Ilocos Norte nasisira dahil sa lamig

Bitak-bitak ang lupa sa isang taniman ng bawang sa Badoc, Ilocos Norte dahil sa lamig ng panahon. Screengrab

Dahil sa lamig, nasisira na umano na ang pananim na bawang sa Badoc, Ilocos Norte. 

Ito umano ay dahil sa matinding hamog na nangyayari tuwing madaling araw, na nakakasira sa mga pananim. 

Bukod sa lamig, umaatake rin ang mga peste tulad ng purple blotch at fungi na nakakasira sa mga bawang. 

Paliwanag ni Leonora Escarda, na isang agriculturist, apektado ng mismong ayos ng mga bawang ang kanilang mga ugat, na nagreresulta umano sa paninilaw ng mga dahon nito. 

Sa tala ng Badoc Agricultural office, 144 ektarya lamang ang natatamnan ng bawang ngayong 2019, na mas mababa sa 150 ektarya noong nakaraang taon. 

Apektado raw ang 60 porsiyento ng mga tanim na bawang dahil sa lamig. Kung hindi raw ito maagapan ay maaaring makaapekto ito sa suplay ng bawang sa mga susunod na buwan. 

Ang lalawigan ang pangunahing pinanggagalingan ng bawang sa buong bansa, na umaabot sa 6,000 tonelada kada taon. 

— Ulat ni Ria Galiste, ABS-CBN News 

Bisitahin ang Patrol.PH para sa iba pang mga balita.

Be the first to comment

Leave a Reply

Your email address will not be published.


*


This site uses Akismet to reduce spam. Learn how your comment data is processed.