TIPS: Paano malalaman kung ‘botcha’ ang nabiling karne

MAYNILA — Nagbigay ng tips ang isang chef kung paano matukoy na botcha ang nabiling karne, partikular sa pagtingin sa kulay at pag-amoy dito.

“Kapag namumuti. Namumutla, parang kapag may namatay na tao, ganun din ang meat… Tingnan pa lang natin sa kulay,” ani Thess Espiritu sa programang “Sakto” ng DZMM.

Nangangamoy din ang karneng botcha, kahit pa man lutuin ito para maalis ang masangsang na amoy.

Para sa karneng baka, dapat daw ay mamula-mula ito para masabing sariwa.

Kung manok naman ang bibilhin, dapat “cream” ang kulay nito.

Kapag mamimili naman ng isda, dapat masuri kung madulas ang katawan nito at kulay pula ang kaniyang hasang o gills.

Dapat namang kulay pink ang binibiling karneng baboy.

Payo ni Espiritu, mainam na gumising nang maaga para mamalengke at makuha ang mga sariwang produkto.

Bisitahin ang Patrol.PH para sa iba pang mga balita.

Be the first to comment

Leave a Reply

Your email address will not be published.


*


This site is protected by reCAPTCHA and the Google Privacy Policy and Terms of Service apply.

This site uses Akismet to reduce spam. Learn how your comment data is processed.